Elon Musk : X New Features : इलॉन मस्कने आज एक मोठी घोषणा केली आहे. एक्स (ट्विटर) या सोशल मीडिया प्लॅटफॉर्मवर आता ऑडिओ-व्हिडिओ कॉलिंगचीही सुविधा मिळणार आहे. मस्कने आपल्या अधिकृत एक्स हँडलवरून याबाबत पोस्ट केली आहे.
“एक्सवर आता व्हिडिओ आणि ऑडिओ कॉल्स करता येतील. लवकरच हे फीचर उपलब्ध होणार आहे. आयओएस, अँड्रॉईड, मॅक आणि पीसी या सर्व प्लॅटफॉर्मवर हे फीचर काम करेल.” असं मस्कने आपल्या पोस्टमध्ये म्हटलं आहे. Elon Musk
Video & audio calls coming to X:
– Works on iOS, Android, Mac & PC
– No phone number needed
– X is the effective global address bookThat set of factors is unique.
— Elon Musk (@elonmusk) August 31, 2023
फोन नंबरची गरज नाही
विशेष म्हणजे, एक्स अकाउंटच्या माध्यमातून हे ऑडिओ/व्हिडिओ कॉल्स होत असल्यामुळे; समोरच्या व्यक्तीचा फोन नंबर तुमच्याकडे असण्याची गरज नाही. म्हणजेच यूजर्स आता आपला नंबर शेअर न करताही एखाद्याशी फोनवर बोलू शकणार आहेत.
Elon Musk व्हॉट्सअ‍ॅपला देणार टक्कर
या फीचरमुळे आता एक्स हे थेट मेटाच्या व्हॉट्सअ‍ॅपला टक्कर देऊ शकतं. विशेष म्हणजे, व्हॉट्सअ‍ॅपवर व्हिडिओ किंवा ऑडिओ कॉल करण्यासाठी आपल्याकडे समोरच्या व्यक्तीचा फोन नंबर असणं आवश्यक आहे. एक्सवर कॉल करताना याची आवश्यकता नसल्यामुळे लोक याचा अधिक वापर करण्याची शक्यता आहे. Elon Musk
काही दिवसांपूर्वी मेटाने थ्रेड्स नावाचं अ‍ॅप लाँच करून ‘एक्स’ला मागे टाकण्याचा प्रयत्न केला होता. मात्र, थ्रेड्सची हवा काही दिवसांतच कमी झाली. यानंतर आता इलॉनने एक्समध्ये कॉलिंग फीचरची घोषणा करून मार्क झुकेरबर्गवर डाव टाकला आहे. त्यामुळे आता मेटा याला कसं प्रत्युत्तर देतंं हे पाहणं औत्सुक्याचं ठरणार आहे. Elon Musk